星期六早上去到茶餐廳，有客人話唔明白美國總統特朗普點解要發動關稅戰，有人用《六國論》來分析今次關稅戰，係咪真係咁深奧？其實，很多國家不但是美國盟友，並且是中國對手，根本不用賄賂美國，發夢都估唔到美國向他們開徵30%關稅，與《六國論》之賂秦有何關係。
老闆話，不能說冇關係，嚴格來說，買美債就是賂秦，全世界除了一些專業的投資基金之外，都不會買其他國家的債券，就算是美債，只有大約25%不是由美國人持有。事實上，買美債的國家，當中包括中國都是賂秦，而「賄賂」的含義很廣，當中包括雙方多做生意，或者要求美方保護，不得不買美債。
冀其他國家願長債換短債
今次特朗普發動關稅戰，最大可能性是今年現在有逾9萬億美債到期，在6月有逾6萬億美元，已經迫在眉睫，如果唔發動關稅戰就要面對違約危機，在發動關稅戰之後，持有美債的國家最低限度願意以長債交換即將到期短債，換取美國不向他們徵收關稅，所以，現在願意以長債換短債的國家亦可以講是賂秦。
特朗普發夢都估唔到，全世界除了以色列、台灣之外，絕大多數都抗拒關稅，並且絕不屈服，所以，特朗普不得不重新考慮關稅。不過，他一定會徵收，但百分比會下降，中國是20%，其他地區是10%，而且是單向的，其他國家不能反制，如果其他國家向美國徵收同樣關稅，就唔叫做賄賂。老闆話，當美國人去完超市之後，就會知道原來是美國人付關稅，咁算唔算是賄賂？
原刊於《明報》，本社獲作者授權轉載。
