星期四早上去到茶餐廳，有客人話老友向佢呻生意蝕本，於是拉了一大班朋友幫襯。但那些朋友後來話，客人的老友無得救：他們走去幫襯，客人的老友乜都唔賣，原因是客人老友舖頭的貨品是自家製作，不但賣一件少一件，而且擔心別人模仿，所以唔賣。能夠賣的都是大路貨，其他舖頭又平又靚，大家都不明白，既然唔賣，點解要做出嚟。
老闆話，美國都是一樣，美國財長貝森特話中國不值得信任，原因是美國對中國貿易逆差超過2000億美元，每年中國從美國賺咁多錢，都唔肯買美國貨，由此可見，中國是不值得信任。
其實，美國要降低對中國的貿易逆差話都無咁易，淨係買大豆梗係唔得，只要開放飛機引擎、芯片，甚至其他高科技產品，貿易逆差立即降低，但美國擔心中國模仿製造，所以，高科技產品是非賣品。其實邊可以擔心得咁多，唔賣產品，直接扼殺自己的發展，將高科技產品賣畀人，反而可以控制買家的發展，貝森特無理由唔知。
與此同時，美國在服務行業對中國出現大額順差，例如旅行及教育，美國不但對中國旅客不友善，而且經常話要將50萬中國留學生踢返去中國，有如此封建思維，美國有乜辦法唔出現巨額逆差。
原刊於《明報》，本社獲作者授權轉載。
