星期三早上去到茶餐廳，有客人話特朗普良心未泯，見關稅收到咁多錢，打算每個美國人派2000美元，高收入的人除外，但好似聽唔到掌聲，就算既得利益者都沒有高調表態支持，究竟點解？
老闆話，美國人智商高，知道特朗普派錢是有目的，所以唔支持，而事實上最少有兩個目的，首先就是要給予9位大法官壓力，現在情況有八成機率關稅不獲得通過，如果唔通過就要退稅，邊有可能派錢2000美元。以特朗普計算，應該有不少受惠者支持佢，向9位大法官施壓，令關稅獲得通過，特朗普就得其所哉。
特朗普學李顯龍加銷售稅
其次是特朗普打算加銷售稅，如果無端端加銷售稅，一定會有很多市民反對，但先派錢2000美元，到加銷售稅的時候，反對的聲音就不會很多。不過，千祈唔好以為是美國政府或者是特朗普想出嚟，其實是新加前總理坡李顯龍傑作，大約2003年，新加坡開始徵收銷售稅，最初是3%，在開徵銷售稅之前，新加坡向市民派錢，男男女女、大大小小都有，新加坡市民對政府歌功頌德。
其實，所派的錢不足3個月就可以從銷售稅收回，所以新加坡以後加銷售稅之前都會派錢，現在銷售稅是9%，新加坡政府收了不少銷售稅，特朗普見這個方法好用，於是順手拈來，向美國人派2000美元。不過，美國人是比較理性，知道收咗之後日後付出更多，所以反應並不積極，與特朗普的預計不同。
原刊於《明報》，本社獲作者授權轉載。
