星期六早上去到茶餐廳，有客人話近日在台灣大紅的《沒出息》，不少人以為原創王世堅是批評民進黨政府，其實也是批評香港物業投資者，兩三年前賣樓「從從容容，游刃有餘」，現在賣樓「匆匆忙忙，連滾帶爬」。
老闆話唔同意，雖然兩三年前賣樓的確是從從容容，現在賣樓連滾帶爬，輸到阿媽都唔認得，但投資者並沒有要求政府幫忙，大家咬緊牙根渡過難關，所以，不能說投資者沒出息。
現在樓市形勢比一年前好，當時減價都很難賣，銀行又迫得急；現在比較正常，當然仍然有不少買家「鋤價」，業主亦有能力唔賣樓，樓價不但保持平穩，而且仲有微升，估計是樓市另一次漫長升幅開始。當然，有人話我亂作，亂作就唔係，最多是賣花讚花香。
現在樓市形勢較1年前好
一年前，差不多所有分析員、玄學家都話樓市會大跌，現在當然失聲，當時我有打算收口，但如果連我都撤退，市場上的聲音就會一面倒，所以，唯有繼續理性分析樓市，希望搵到共鳴。現在樓市已經穩定，但我仍然未可以退休，人在江湖、身不由己，回想幾十年在地產市場，由一個寂寂無名的外來人到大家都認識但唔認同的湯博士，點樣講都得多於失。
至少我跟其他香港物業投資者一樣，都是靠自己能力行事。
原刊於《明報》，本社獲作者授權轉載。
