星期四早上去到茶餐廳，有客人話中國跟隨美國總統特朗普將關税加多50%之後，美國隨即將關税提高至125%，只是加了21%，幅度不大，作用亦不大，甚至話畀中國知道自己無籌碼。
老闆話，玩show hand的賭徒知道，籌碼只會愈推愈多，最後籌碼多的一方會叫show hand，唔會縮返落去，因為咁樣做會畀對方知道自己無籌碼，變成自己show自己hand。在今次關税戰之中，美國明顯佔上風，中國只能跟，不能反大，否則就會畀機會美國向自己show hand，如果美國唔想show hand，最好辦法就是封牌，即是雙方繼續等，直至有一方捱唔住，或者在期間雙方協商解決問題。
特朗普也慫了
今次加21%，代表特朗普也慫了，中國不用跟，等就是最佳解決辦法。等的意思並不是美國或者中國政府等，而是兩國人民等唔等得，如果因物質短缺而出現動亂，想等都唔得，一定要主動降低關税，老闆話唔敢猜測中美雙方哪一個會先降低關税。不過，如果中國主動降低關税，以後就抬不起頭，任由美國宰割。
有客人話，美國唔畀中國等，美財長話不排除將在美國上市的中概股剔除，財長咁樣做即是承認特朗普已經無籌碼，佢要幫拖。不過財長唔知道自己幫倒忙，因為他可能唔知道，在美國上市的中概股早已有心理準備，有部分早已在港交所（0388）上市，今次美財長幫了一個大忙，在美國上市的中概股要考慮是否撤出美股市場，今次港交所想唔發都唔得。
原刊於《明報》，本社獲作者授權轉載。
