（編按：截至12月3日中午，大埔宏福苑火災的傷亡人數為156死，79傷。）
星期六早上8 點在茶餐廳的時候，老闆話請大家默哀1分鐘，悼念在大埔大火災喪生的128人。（編按：截稿前傷亡人數）默哀完畢之後，有客人話，今次大火災唔算是無妄之災，但很少人「馬後炮」，話政府應該點做點做，反而做應該做的事，例如送上食物、被鋪、衣物等，甚至去捐血，令血庫爆棚。
本來有很多外國傳媒或者YouTuber 打算藉此機會唱衰香港，但見到香港市面有條不紊，市民萬衆一心，都唔好意思講香港壞話。
老闆話，不少外國人覺得很奇怪，一場火災，一向被視為沒落的香港，在短短幾日，已經收到5億元捐款，最後埋單計數，超過10億元都唔出奇。雖然捐款不能夠代表經濟繁榮，但在短短幾日有咁多人自發捐款，絕對不能夠話香港經濟沒落，那些外國人會質疑他們所收到的訊息是否正確，香港是沒落抑或止跌回升。
外媒唱衰香港早已經深入民心，例如中日未交惡之前，習主席與高市早苗曾經有一次禮節交流，高市早苗二話不說就問習主席新疆如何、香港如何，言下之意那兩處地方的人民無言論自由，生活困苦。
自發助災民 少馬後炮
其實，有咁多一級日本餐廳以及日式料理師傅在香港，高市問吓他們便知道，唔使問習主席。
由此可見，外媒唱衰香港已經深入全世界的人民，今次大埔大火災，如果外媒真實報道，全世界就會對香港刮目相看，見到香港人精神，發覺這才是真正的香港。
原刊於《明報》，本社獲作者授權轉載
