星期日早上去到茶餐廳，有一個客人話真係煩，有一個親戚問銀行借錢，銀行已經批咗，但親戚擔心銀行突然call loan，一時之間他又還唔到，抵押物業有可能被銀行沒收。親戚知客人是銀行大客戶，希望客人擔保在他準時還款的情況下，唔會突然call loan，客人話都未試過遇上這個問題。
老實說，在過去一兩年，銀行的確有call loan，親戚的擔心是有理據，不過，銀行一定會在客人唔準時還款，或者在「躺平」下才會call loan，唔會無端端call loan，除非收到一些不利客人的消息，咁樣唔call都唔得。
不斬來使已是國際慣例
老闆話，銀行call loan是早已寫在貸款合約上，銀行是隨時可以call loan，但兩國交戰，不斬來使已經是國際慣例，更何況將對方領導人斬首。
美國及以色列斬首伊朗哈梅內伊之後，以色列就唔使講，全世界對美國都失去信心。現在美國與伊朗要和談，伊朗最初唔肯派人去，擔心被美國斬首，最後由中國出面擔保，巴基斯坦做帶刀侍衛，伊朗才肯派代表去巴基斯坦首都伊斯蘭堡。老實說，伊朗派去和談的代表的重要性絕對不及哈梅內伊，就算美以斬首的作用不大，所以，中國這個擔保人是做得過。其實最慘就是美國，中國的擔保對美國來說是羞辱，美國不過是自取其辱。
其實美國最擔心就是以色列，美國知道以色列一定要拉美國落水，唔打算和談。所以，以色列單獨斬首亦未可料，已經唔知斬了幾多個伊朗領袖，美國又唔可以控制到內塔尼亞胡，這才是特朗普最頭痛的地方。
原刊於《明報》，本社獲作者授權轉載。
