立春日在茶餐廳見到有客人將一隻雞蛋直立，最後當然失敗，客人話都唔可以將一隻雞蛋直立，又點可以叫立春。老闆話，在香港唔可以將一隻雞蛋直立，但在內地農村是可以的，因為香港的雞蛋經過雪藏，蛋黃不會下墜，所以不能夠立春，但如果用新鮮雞蛋，是有機會將一隻雞蛋直立。
有客人話是否能夠立春，香港與內地是有分別，但內地人與香港人在香港買樓，有沒有分別。
老闆話大有分別，香港人如果買了一個單位，以前還可以keep自住單位，但現在很大機會要賣走，因為借唔到高成數按揭，只能買一個賣一個，對消耗樓宇供應量作用不大，主要是靠新生嬰兒，香港大約每日有100嬰兒出生，以3個人需要一個單位計算，每年需要大約1.2萬個單位，唔計公營房屋，私人樓宇就已經足夠。
如果無內地人買樓，樓價是不會上升，而內地人與香港人買樓最大分別，就是他們在買樓後唔係咁易賣走，就算內地有需要都不會賣樓班資回朝，因為他們啲錢不容易調離內地，既然離開就唔會調返去，他們買一個就消耗一個空置單位。
去年有1.4萬內地人在香港買樓，由於有入無出，即是消耗了1.4萬個單位。試想想，如果那1.4萬個單位是由香港人買，最少有7000個二手單位會出售，供應增加，樓價亦唔會咁容易上升，而且內地人買樓並不會停止，今年可能有更多內地人在香港買樓。所以，香港人千祈唔好咁容易將自住單位賣走，以後很難買得返。
原刊於《明報》，本社獲作者授權轉載。
