輸唔起唔好炒樓

在中秋節前夕，有老友到公司吹水，佢話股市大跌，唔見了很多錢，不過冇得賴，又冇人揸住支槍逼佢買股票。我同老友講，千祈唔好同其他人呻，除了得唔到任何安慰之外，隨時會畀人話如果輸唔起就唔好炒股票。

內地有不少人以為炒樓不是賭，是投資，地產商有責任保障他們一定要賺錢，如果唔賺錢，就容許他們退房，仲要賠償利息給他們，這叫做維權。

其實，這是內地物業炒家未成熟表現，投資物業是最豪賭，不少人一生都唔敢落注，錯過了一次又一次良機，到現在仍然要租樓住，如果炒樓可以維權，那些人一早已經炒樓，維權其實是助長炒風。

有買深圳豪宅樓盤的人話，他們傾家蕩產買樓，現在樓價下跌，他們一定要維權。其實維什麼權，買豪宅的人點會傾家盪產，搵嚟講。在香港，樓價愈高，借錢愈少，如果不是手頭鬆動，就千祈唔好買豪宅，不過，那些人又並不是講錯，他們是傾家蕩產去炒樓。

中央政府三令五申，已經講了不少次，房住不炒，炒家唔理中央意思就冇辦法。現在樓價下跌，炒家不但想盡辦法要求退錢，仲要維權，希望中央政府出面支持炒家。

其實，這是炒家示弱表現，炒樓是一次豪賭，如果輸了千祈唔好講什麼維權，否則就會畀人話，如果輸唔起就唔好炒樓。

原刊於《明報》，本社獲作者授權轉載。

湯文亮

紀惠集團行政總裁及副主席，2012年獲頒世界傑出華人獎、2016年獲頒香港浸會大學榮譽大學院士榮銜，以彰顯其傑出的企業家精神及領袖才能。1976年創立紀惠集團，對經濟發展具前瞻觸覺和分析力，在物業投資方面尤甚，帶領紀惠集團從一間小公司於2018年晉身至福布斯（香港區）排名25。著作有《讀歷史，了解香港地產》、《第十個人理論》、《逢三退一》，包括紅極一時「細價樓爆煲論」等10本著作，亦是專欄作家，作品在不少報章、網站及國內媒體發表，網站點擊已逾10億次。

View all posts